Destana berxwedana mirovahiyê

Partiya Karkerên Kurdistanê (PKK) ev 45 sal in bi berxwedana bêhempa pêşengiya azadiya gelan dike. Di vê rê de gelek berdêlên giranbuha hatin dayîn....

Berzanî çima bêdeng in?

Li himberî êrîş û êrîşkariya devleta tirk a bi taybetî li ser Başûr û Rojava, hema hema hemû dewlet û kesayetiyan hilwesta xwe nîşan...

Destana berxwedana mirovahiyê

Partiya Karkerên Kurdistanê (PKK) ev 45 sal in bi berxwedana bêhempa pêşengiya azadiya gelan dike. Di vê rê de gelek berdêlên giranbuha hatin dayîn....

Berzanî çima bêdeng in?

Li himberî êrîş û êrîşkariya devleta tirk a bi taybetî li ser Başûr û Rojava, hema hema hemû dewlet û kesayetiyan hilwesta xwe nîşan...
Şemî - 10 Kanun 2022

Destana berxwedana mirovahiyê

Partiya Karkerên Kurdistanê (PKK) ev 45 sal in bi berxwedana bêhempa pêşengiya azadiya gelan dike. Di vê rê de gelek berdêlên giranbuha hatin dayîn....

Berzanî çima bêdeng in?

Li himberî êrîş û êrîşkariya devleta tirk a bi taybetî li ser Başûr û Rojava, hema hema hemû dewlet û kesayetiyan hilwesta xwe nîşan...

HPGyî nasnameyê çar şehîdan eşkera kerdî

HPGyî nasnameyê çar şehîdan eşkera kerdî û vat: “Embazê ma pê têkoşînê xo bîyî mîsalê tewr raştî yê bawerî, qerardarî û perwerîya bi erjanê azadîye.”

Merkezê Îrtîbatî û Çapemenîye yê HPGyî bi eşkerayîyêne nasnameyê çar şehîdan eşkera kerdî.

Eşkerayîye wina ya:

“Fermandarê serkêşî yê Garzanî embaz Sîpan û Rahîme 1ê êlula 2022yî de pêkewtişê vera artêşa tirke ya îşxalkere de bi çêrêkê pîlî şer kerd û şehîd bîyî. Gerîlayê azadîye yê Kurdistanî bi ruhê fedayî, çêrî, fedakarî, bawerî, îrade û qerardarî têkoşînî kenê. Embazanê ma Sîpanî û Rahîme Garzan de têkoşînê azadîye kerd, gerîlatîya dewrê neweyî pratîze kerd û serkêşîya nê prosesê zehmetî kerde. Wird embazê ma zî do pê tewirê xo yê fedayî, têkoşînê xo û qerardarîya xo do bibê mîsalê embazanê xo û vîrameyîşê înan qetî bi serfîrazîye do bêro tacîdarkerdene.

Nasnameyê embazanê ma yê şehîdan wina yê:

Nameyê Qodî: Sîpan Batman

Name û Peyname: Turan Ozel

Cayê Bîyayîşî: Êlih

Maye-Pî: Zumrete – Siyabend

Tarîx û Cayê Şehadetî: 1ê Êlula 2022yî /Garzan

Nameyê Qodî: Rahîme Xebat

Name û Peyname: Şîlane Okmen

Cayê Bîyayîşî: Mêrdîn

Maye-Pî: Makbule – Mehmet Faruk

Tarîx û Cayê Şehadetî: 1ê Êlula 2022yî /Garzan

Embaz Sîpan Elih de dadîya xo ra beno. O 1993 de wazeno tewrê gerîlayan beno la bêtelîhîye ra nêeşka û wextêk karê milîsîye keno. 2010 de o qetî tewrê gerîlayan beno. O hîrê serran Metîna de gerîlatîye keno. Hêrişanê DAIŞî ra dima zî Rojawan de sey fermandarêkî têkoşîn keno. O fermandarîya waran û eyaletan keno, tim serkewtişî xo rê keno esas. Embaz Sîpan dima ke pê perwerdeyan xo hîna ver beno tewra û sey Fermandarêkê Eyaletê Garzanî wezîfe keno. Embaz Sîpan tim bawerîya xo ya bi Rayberîye û Şorişê ano ziwan û bi na hişmendî Garzan de têgêreno. O heta nefesê xo yê peyênî şer keno beno şehîd.

Embaze Rahîme Mêrdîn de dadîya xo ra bena. A verî xebatanê ciwanan de ca gêna û dima 2014 de tewra gerîlayan bena. Dima Mêrdînî ra derbazê Besta bena. Embaze Rahîme heta 2017 zî Cûdî de manena û tîya de bi coşî tewra pratîk û têkoşînî bena. 2017 de derbazê Herêmanê Pawitişî yê Medya bena û tîya de perwerdeyê îdeolojîkî gêna. Embaze Rahîme dima Heftanîn de têkoşîn kena û uca ra pey verê xo dana Garzanî. Embaze Rahîme Garzan de tewra çalakîyanê serkewteyan bena û sey fermandarêka YJA-Starî marîfetanê xo eşkera kena. A Garzan de bena şehîde.

Fermandarê gerîlatîyê dewrê neweyî embazî Eyleme û Bahoz 4ê temmuza 2022yî de Kato Jîrka de hêrişê dişmenî de şehîd bîyî. Nê embazanê ma Botan de erkê xo yê serkêşîye bi xurtî ardî ca. Nê embazanê ma seba azadîya Rayberîye û şarê ma bi milîtanî verê hêrişanê dişmenî girewt û bi tewirê xo bîyî Apogîr. Înan karakterê nê prosesî zî dîyar kerd. Ma sey embazanê înan soz danê ke perwerê înan bibê û têkoşînê înan bi serfîrazî tacîdar bikerê.

Nasnameyê embazanê ma yê şehîdan wina yê:

Nameyê Qodî: Eylem Mazlum

Name û Peyname: Evîndar Kavak

Cayê Bîyayîşî: Mêrdîn

Maye-Pî: Vezire – Mahmut

Tarîx û Cayê Şehadetî: 4ê Temmuza 2022yî /Kato Jîrka

Nameyê Qodî: Bahoz Mijînî

Name û Peyname: Mucahit Tok

Cayê Bîyayîşî: Mersin

Maye-Pî: Fatma – Abdurrahman

Tarîx û Cayê Şehadetî: 4ê Temmuza 2022yî /Kato Jîrka

Embaze Eyleme Mêrdîn de dadîya xo ra bena. A hêrişanê DAIŞî ra pey bi hêrsî 2014 de tewra gerîlayan bena. Embaze Eyleme Zap de perwerde vînena û bena milîtan. A Zap de tewra xeylêk çalakîyanê serkewteyan bena. Embaze Eyleme dima prosesêkê perwerdeyî yê xurtî ra derbaz bena û verê xo dana Botanî. A Botan de warê Kato Jîrka de sey fermandarêke têkoşîn kena û derbanê giranan dana dişmenî ra. Embaze Eyleme Kato Jîrka de bena şehîde û tewra bêmerganê Botanî bema.

Embaz Bahoz mîyanê keyeyêkê qilebanijî de dadîya xo ra beno. O verî xebatanê ciwanan de cagêno dima zî 2015 de tewrê gerîlayan beno. Embaz Bahoz tim perwerdeyan gêno, waneo û îdeolojîya Rayberîye hol şinasneno. O Besta de wezîfe keno dima derbazê Kato Jîrka beno. O bi taybetî warê Derîyê Qaçê de çalakîyêka sabotajî de derbanê giranan dano dişmenî ro. Embaz Bahoz pêro helanê xo bi têkoşînî vîyarneno û embazanê xo rê beno mîsal.

Embazê ma pê têkoşînê xo bîyî mîsalê tewr raştî yê bawerî, qerardarî û perwerîya bi erjanê azadîye. Ma sere de keyeyanê înan ê ercîyayeyan rê pêro şarê welatperwerî yê Kurdistanî rê serweşîye wazenê.” BEHDÎNAN 

- Arşîva Rojnameyên Kurdî-spot_img

Nûçeyên Têkildar